Apr 19 2025 | २०८२, वैशाख ७गते
काठमाडौं । चिनियाँ अर्थतन्त्र बलियो पार्न त्यहाँको केन्द्रीय बैंक पिपुल्स बैंक अफ चाइना पीबीओसीले चार वर्षयता पहिलो पटक ब्याज दर कटौती गर्न लागेको जनाएको छ ।पीबीओसीका गभर्नर प्यान गोङसेङले उधारो लागत घटाउन र बैंकहरूलाई उनीहरूको ऋण बढाउन अनुमति दिने योजना घोषणा गर्दै यस्तो बताएका हुन् ।विश्वको दोस्रो ठूलो अर्थतन्त्रले यस वर्ष आफ्नो ५ प्रतिशतको वृद्धि लक्ष्य गुमाउने आकलन भएको देखिएपछि यो कदम अपनाउन लागिएको बीबीसीले जनाएको छ ।
चिनियाँ गभर्नरको यो घोषणापछि एसियाको शेयर बजारमा उछाल आएको छ । पत्रकार सम्मेलको आयोजना गरी गभर्नरले केन्द्रीय बैंकले बैंकहरूले नगद सुरक्षणमा राख्नु पर्ने रकम (रिजर्भ रिक्वायर्ड रेसियो– आरआरआर)मा कटौती गर्ने बताए ।आरआरआर प्रारम्भमा आधा प्रतिशत बिन्दुले घटाइनेछ । यसबाट करिब १० खर्ब युयान वा १ खर्ब ४२ अर्ब अमेरिकी डलर बराबरको रकम खाली गर्ने अपेक्षा गरिएको छ । साथै यो अर्को वर्ष पनि कटौती गर्न सकिने गभर्नरले जनाए ।
© 2025 All right reserved to Nayasadak.com | Site By : Sobij
