काठमाडौं । आइसीएफसी फाइनान्स लिमिटेडले चालु आर्थिक वर्षको पहिलो त्रैमाससम्म ६ करोड ८८ लाख रुपैयाँ खुद नाफा आर्जन गरेको छ । यो गत वर्षको यसैअवधिको भन्दा ६३३.७१ प्रतिशतले धेरै हो ।
फाइनान्सको इम्पेयरमेन्ट चार्ज ५ करोड ८४ लाख रुपैयाँ कायम भएको छ । यता, सञ्चालन नाफा ६३८.०७ प्रतिशत बढेको छ । सञ्चालन आम्दानी बढ्दा नाफामा सुधार देखिएको हो । यसको वितरणयोग्य नाफा ६ करोड ७५ लाख पुगेको छ । चुक्ता पुँजी १ अर्ब १८ करोड ३४ लाख रुपैयाँ रहेको यस कम्पनीको जगेडा कोषमा ७५ करोड १२ लाख रुपैयाँ जम्मा रहेको छ ।
यसको प्रतिसेयर आम्दानी २३.२५ रुपैयाँ पुगेको छ । प्रतिसेयर नेटवर्थ १६९ रुपैयाँ १८ पैसा रहेको छ ।
