काठमाडौँ । फर्स्ट माइक्रोफाइनान्स लघुवित्त वित्तीय संस्था लिमिटेडले २८ हजार ३०१ कित्ता संस्थापक शेयर कात्तिक १३ गतेदेखि विक्रीमा ल्याएको छ । फर्स्ट माइक्रोफाइनान्सको शेयर खरिदका लागि कात्तिक २७ गतेभित्र शेयर विक्री प्रबन्धक मुक्तिनाथ क्यापिटल लिमिटेडको कार्यालय नारायणचौर, नक्साल, काठमाडौंमा आवेदन पेश गर्नुपर्नेछ । फर्स्ट माइक्रोफाइनान्सको शेयरको मूल्य प्रतिकित्ता २७५ रुपैयाँ तोकिएको छ भने तोकिएको मूल्य वा सोभन्दा बढी मूल्य अंकित गरी न्यूनतम १ हजार कित्तादेखि अधिकतम सम्पूर्ण कित्तासम्म माग गर्न सकिनेछ ।
