काठमाडौं । सिद्धार्थ म्युचुअल फण्ड अन्तर्गत सञ्चालित सिद्धार्थ इक्वीटी फण्डले कात्तिक मसान्तको खुद सम्पत्ति मूल्य विवरण सार्वजनिक गरेको छ । उक्त वित्तीय विवरण अनुसार फण्डले कात्तिक मसान्तमा रू।२६ करोड ६७ लाख नाफा कमाएको छ । यो नाफा असोज मसान्तको तुलनामा २ दशमलव ७१ प्रतिशत कमि हो । सो अवधिमा फण्डले रू २७ करोड ४२ लाख नाफा कमाएको थियो । कात्तिक मसान्तमा फण्डको आम्दानी घटेकाले र खर्चमा वृद्धि भएकाले नाफा घटेको हो ।
असोज मसान्तमा फण्डको कुल खर्च रू ८४ लाख ९४ हजार रहेकोमा कात्तिक मसान्तमा बढेर रू १ करोड ११ लाख भन्दा बढी पुगेको छ । त्यस्तै फण्डको कुलआम्दानी भने असोज मसान्तमा रू २८ करोड २७ लाख रहेकोमा कात्तिक मसान्तमा घटेर रू२७ करोड ७८ लाखमा सिमित भएको छ ।
नाफासँगै फण्डको प्रतिइकाई खुद सम्पत्ति मूल्य न्याभ पनि घटेको छ ।
