काठमाडौं । बिहीवार नेपाल स्टक एक्सचेञ्ज (नेप्से)मा दुई कम्पनीको शेयर मूल्य समायोजन भएको छ । नेप्सेले सर्पोट लघुवित्तको १३ दशमलव ७७५ प्रतिशत र फरवार्ड लघुवित्तको १३ दशमलव ३ प्रतिशत बोनस शेयर समायोजन गरेको हो । समायोजन पश्चात फरवार्ड लघुवित्तको शेयर मूल्य रू १ हजार ३५२ दशमलव १६ र सर्पोट लघुवित्तको रू २ हजार ९२४ दशमलव १९ कायम भएको छ ।
सर्पोट लघुवित्तको शेयर मूल्य प्रतिकित्ता रू ३ हजार ३२७ मा र फरवार्ड लघुवित्तको रू १ हजार ५३२ मा अन्तिम कारोबार भएको थियो ।
