Feb 06 2025 | २०८१, माघ २४गते
काठमाडौं । बुधवार नेपाल स्टक एक्सचेन्ज नेप्सेमा तीन कम्पनीको कुल ३३ लाख ३१ हजार ५२३ कित्ता बोनस शेयर सूचीकृत भएको छ ।
स्वावलम्बन लघुवित्त वित्तीय सस्थाको २० लाख ६६ हजार २५० कित्ता, अरुण भ्याली हाइड्रोपावर डेभलपमेन्टको ११ लाख २० हजार ७७८ कित्ता र गुराँस लघुवित्त वित्तीय संस्थाको १ लाख ४४ हजार ४९५ कित्ता गरेर कुल ३३ लाख ३१ हजार ५२३ कित्ता बोनस शेयर सूचीकृत भएको हो ।
यो बोनस शेयर सम्बन्धीत शेयरधनीको हितग्राही खातामा आएपछि कारोबार गर्न सक्नेछन ।
स्वावलम्बन लघुवित्त वित्तीय संस्थाले कात्तिक ३० गते सम्पन्न वार्षिक साधारण सभाबाट पारित १४ दशमलव २५ प्रतिशत बोनस शेयर सूचीकृत गराएको हो । सो सभाले कर प्रयोजनको लागि शून्य दशमलव ७५ प्रतिशत नगद लाभांश वितरण गर्ने प्रस्ताव पारित गरेको थियो ।
त्यस्तै अरुण भ्याली हाइड्रोपावरले कात्तिक १४ गते सम्पन्न वार्षिक साधारण सभाबाट पारित ३ प्रतिशत बोनस शेयर सूचीकृत गराएको हो । सो सभाले शून्य दशमलव १५७ प्रतिशत नगद लाभांश वितरण गर्ने प्रस्ताव पारित गरेको थियो ।
गुराँस लघुवित्त वित्तीय संस्थाले असोज २९ गते सम्पन्न वार्षिक साधारण सभाबाट पारित १४ दशमलव २५ प्रतिशत बोनस शेयर सूचीकृत गराएको हो ।
© 2025 All right reserved to Nayasadak.com | Site By : Sobij
