Apr 19 2025 | २०८२, वैशाख ७गते
काठमाडौँ । दशैँ शुरू हुन अघि आएको अविरल वर्षा र बाढी पहिरोले ल्याएको विपत्मा गरिएको सहयोग आह्वान अन्तर्गत प्रधानमन्त्री दैवी प्रकोप उद्धार कोषमा मंसिरको तेस्रो सातासम्म सवा ३४ करोड बढी रकम मात्र जम्मा भएको छ ।असोज ११ गतेदेखि परेको अवरिल वर्षाले बाढी पहिरोले देशभर विभिन्न सडक पूर्वाधारमा क्षति पु¥याएपछि गरिएको आह्वान अन्तर्गत विभिन्न व्यक्ति र संघसंस्थाहरूबाट असोज १४गते देखि प्रधानमन्त्री दैवी प्रकोप उद्धार कोषमा रकम जम्मा हुन थालेयता मंसिर २४ गते सो खातामा ३४ करोड २५लाख ९० हजार १ सय ७७ रुपैया ३७ पैसा जम्मा भएको हो ।
प्रधानमन्त्री दैवी प्रकोप उद्धाहर कोषमा मंसिर २४गतेसम्म कुल रकम १ अर्ब ९१ करोड ४७ लाख १० हजार ८ सय ५० रुपैया ६४ पैसा जम्मा रहेको प्रधानमन्त्री तथा मन्त्रिपरिषद्को कार्यालयले जम्मा रकमको विवरण सार्वजनिक गरे अनुसार देखिन्छ ।यो कोषमा सो अवधिमा ब्याजबाट २२ लाख २२ हजार ६ सय ४ रुपैया ५२ पैसा जम्मा भएको समेत उल्लेख गरिएको छ । सोही विवरणमा स्रोत नखुलेका रकम पनि जम्मा भएको छ । प्रधानमन्त्री दैवी प्रकोप उद्धार कोषमा ६५ लाख ८८ हजार १ सय ३ रुपैया स्रोत नखुलेको रकमको रूपमा जम्मा भएको विवरणमा उल्लेख गरिएको छ ।
सो कोषमा असार मसान्तको मौज्दात १ अर्ब ५६ करोड ९८ लाख ९८ हजार ६८ रुपैयाँ ७५ पैसा रहेको थियो । मंसिर २४सम्मको अपडेट अनुसार सो कोषमा १ अर्ब ९१ करोड ४७ लाख १० हजार ८सय ५० रुपैँया ६४ पैसा जम्मा रहेको देखिन्छ । सो अवधिमा व्यक्ति तथा संघसंस्थाहरूको संख्या १सय ६ जना रहेको छ । असोजको विनासकारी बाढी पहिरो पछि सहयोगका लागि गरिएको आह्वान पछि सो कोषमा जम्मा भएको पहिलो दाताको नाममा सिटिजन्स बैंक इन्टरनेशनल लिमिटेड र अन्तिम दाताको नाम आन्तरिक मामिला तथा कानुन मन्त्रालय , कर्णाली प्रदेश उल्लेख गरिएको छ ।
© 2025 All right reserved to Nayasadak.com | Site By : Sobij
