काठमाडौँ ।नेपाली सेनाले गैंडाको खाग तस्करलाई नियन्त्रणमा लिन मकवानपुरको हेटौंडा उपमहानगरपालिका–८ मा हवाइ फायर गरेको छ ।नेपाल प्रहरी, मकवानपुरका प्रवक्ता ठाकुर प्रसाद सापकोटाका अनुसार बिहीबार बिहान हवाइ फायर गरेर खाग तस्कर नियन्त्रणमा लिइएको हो । प्रहरीका अनुसार खाग नियन्त्रण गर्ने क्रममा तस्कर भाग्न खोजेपछि हवाइ फायर गरिएको छ ।
नेपाली सेनाको नयाँ गोरख गण सैनिकले ५ राउन्ड हवाइ फायर गरेको हो । गैंडाको खाग तस्करी हुन लागेको सूचनाका आधारमा पुगेको निकुञ्जले टोलीले तस्करीमा संलग्न व्यक्तिहरू पक्राउ गर्ने क्रममा सेनाले हवाइ फायर गरेको हो ।घटनास्थलबाट १ जना पक्राउ परेका छन् । उनीसँग खाग रहेको भन्ने सूचना आएको निकुञ्ज स्रोतले जनाएको छ । अप्रेशनका लागि निकुञ्जको टोली बिहान त्यसतर्फ गएको थियो ।
