Feb 05 2025 | २०८१, माघ २३गते
काठमाडौँ । नेपालले थप ५७ वटा हिमालको आरोहण खुला गरेको छ । संस्कृति पर्यटन तथा नागरिक उड्डयन मन्त्रालयले सोमबार नेपाल राजपत्रमा सूचना प्रकाशित गरी थप ५७ हिमालको आरोहण खुला गरेको हो ।
मन्त्रालयका सचिव कृष्णहरि पुष्करले जारी गरेको उक्त सूचनामा पर्वतारोहणसम्बन्धी नियमावली २०५९ को नियम २ को उपनियम १ बमोजिम हिमालको आरोहण खुला गरिएको जनाइएको छ ।
यसअघि गत असोजमा सरकारले ती हिमालहरूको आरोहण खुला गर्ने निर्णय गरेको थियो । समुद्र सतहदेखि ६ हजारदेखि ६ हजार ६५ सय मिटरसम्मको उचाइ भएका यी हिमाल आरोहणको अनुमतिका लागि पर्यटन विभागले गत असारमै सिफारिस गरेर पठाएको थियो । यसअघि नेपालमा ४१९ हिमाल आरोहणका लागि खुला गरिएका थिए ।
© 2025 All right reserved to Nayasadak.com | Site By : Sobij
