Jan 09 2025 | २०८१, पुस २५गते
काठमाडौँ । राजस्व अनुसन्धान विभागले सिल्क ट्रान्सपोर्टमा छापा हानेको छ । ललितपुर ८ बालकुमारीमा रहेको सिल्क ट्रान्सपोर्टको गोदाममा राजस्व अनुसन्धान विभागले दुई दिन अगाडि छापा हानेकोे हो । राजस्व अनुसन्धान विभागको टोलीले सिल्क ट्रान्सपोर्टको गोदामबाट झण्डै एक लाख तीस हजार थान भेप नियन्त्रणमा लिएको छ ।
राजस्वको टोलीले दुईओटा गाडीमा लोड गरी ल्याइएको भेप अहिले राजस्व अनुसन्धान विभागको प्राङ्गनमा छ । राजस्व अनुसन्धान विभागको टोलीले भेपबारे थप अनुसन्धान प्रक्रिया अगाडि बढाएको छ । रमेश शेर्पाले सञ्चालन गर्दै आएको सिल्क ट्रान्सपोर्ट बेला बेलामा विवादमा पर्दै आएको छ । सिल्क ट्रान्सपोर्टले ल्याएका गाडीहरू यसअघि पनि नियन्त्रणमा लिएर राजस्व अनुसन्धान विभागले कारबाही गरेको राजस्व अनुसन्धान विभाग स्रोतले बताएको छ । समाचार स्रोतका अनुसार सिल्क ट्रान्सपोर्टले उक्त भेप केही समय अगाडि नै गोदाममा ल्याएर थन्काएको बताइएको छ ।
© 2025 All right reserved to Nayasadak.com | Site By : Sobij
