Apr 21 2025 | २०८२, वैशाख ९गते
काठमाडौं । हिमालयन डिष्टिलरी लिमिटेडले चालू आवको दोस्रो त्रैमासिक वित्तीय विवरण सार्वजनिक गरेको छ । उक्त वित्तीय विवरण अनुसार कम्पनीको खुद नाफा गत आवको दोस्रो त्रैमासको तुलनामा चालू आवको सोही अवधिमा १४७ प्रतिशत वृद्धि भएको छ ।
गत आवमा कम्पनीले रू १६ करोड ३६ लाख नाफा कमाएकोमा चालू आवमा बढेर रू ४० करोड ४९ लाख पुगेको छ । चालू आवमा कम्पनीको बिक्री आम्दानी बढेको र वित्तीय खर्च घटेका कारण कम्पनीको खुद नाफा उल्लेख्य बढ्न पुगेको हो ।
गत आवको तुलनामा चालू आवमा कम्पनीको बिक्री आम्दानी ५९ दशमलव ६९ प्रतिशत वृद्धि भएको छ । गत आवमा कम्पनीको विक्री आम्दानी रू १ अर्ब ८९ करोड रहेकोमा चालू आवमा बढेर रू ३ अर्ब ३ करोड २२ पुगेको छ ।
कम्पनीको सञ्चालन मुनाफा १३१ दशमलव ९७ प्रतिशत बढेको छ । गत आवमा कम्पनीको सञ्चालन नाफा रू २३ करोड ४ लाख रहेकोमा चालू आवमा बढेर रू ९१ करोड १४ लाख पुगेको छ । कम्पनीको वित्तीय खर्च भने समीक्षा अवधिमा ७ दशमलव ३६ प्रतिशत घटेको छ ।
© 2025 All right reserved to Nayasadak.com | Site By : Sobij
