Apr 03 2025 | २०८१, चैत २१गते
काठमाडौँ । पुरुषले प्रयोग गर्ने गर्भ निरोधक (कण्डोम)को आयात चालु आवमा पौने तीस लाख थानले घटेको छ ।
भन्सार विभागले जनाए अनुसार चालु आव २०८१/८२को सात महिनामा १ करोड ८६ लाख ६० हजार ७ सय ६६ थान आयात गरिएको हो ।
गत आवको सोही अवधिमा २ करोड १५ लाख ५७ हजार २ सय ८ थान आयात गरिएको थियो ।यस आधारमा चालु आवको सात महिनामा २८ लाख ९६ हजार ४ सय ४२ थान कम आयात भएको ।
चालु आवमा आयात गरिएको १ करोड ८६ लाख ६० हजार ७ सय ६६ थान कण्डोमको आयात मूल्य १४ करोड ३ लाख ६८ हजार निर्धारण गरिएको र ४ हजार भन्सार राजस्व असुल भएको भन्सार विभागले जनाएको छ।
चालु आवको सात महिनामा चीनबाट ३ लाख ९५ हजार ९ सय ९९, भारतबाट १ करोड ६३ लाख ६७ हजार ४ सय ३१ , जापानबाट १ हजार ८ ७२, दक्षिण कोरियाबाट ५ लाख ३५ हजार ६ सय ८० ,मलेसियाबाट ३ लाख ७५ हजार ४सय थाइल्यान्डबाट ९ लाख ८४ हजार ३ सय ८४ थान कण्डोम आयात भएको भन्सार विभागले जनाएको छ।
© 2025 All right reserved to Nayasadak.com | Site By : Sobij
