काठमाडौँ । एन आई सी एशिया क्यापिटलले गैर–आवासीय नेपाली (एनआरएन) र नेपाल बाहिर बसोबास गर्ने नेपाली (एनआरओ) लाई लक्षित गरी विशेष डायस्पोरा खाता संचालन तथा धितोपत्रको दोस्रोे बजारमा सूचीकृत भएका तथा नभएका कम्पनीहरुको संस्थापक शेयर खरिद बिक्री गर्न कि सहज गराउन ‘ अफर फर सेल ओएफएस प्लेटफर्म’ संचालनमा ल्याएको छ । विभिन्न कम्पनीहरुलाई संस्थागत परामर्श सेवा प्रदान गर्दै आइरहेको सेवालाई थप परिस्कृत गर्ने क्रममा एनआईसी एशिया क्यापिटलले वन स्टप सलुशन सेवा उपलब्ध गराउने मुख्य उद्देश्यका साथ डायस्पोरा खाता सेवा संचालनमा ल्याएको जनाएको छ ।

यो  सेवा गैर–आवासीय नेपाली  तथा नेपाल बाहिर बसेर गरी नेपालमा आफ्नो व्यवसाय स्थापना वा विस्तार गर्न चाहने उद्यमी लगानीकर्ताहरूलाई  व्यवसाय स्थापना वा विस्तार गर्ने क्रममा गर्नुपर्ने सम्पूर्ण आवश्यक कार्यहरु यस एन आई सी एशिया क्यापिटल मार्फत गर्न सकिने व्यवस्था मिलाएको जनाइएको छ । उक्त सेवाले लगानीकतांहरुलाई एकीकृत रुपमा वित्तीय, कानूनी र कम्पनी संचालनको क्रममा आवश्यकता अनुसारको सम्पूर्ण सहयोग गर्दछ । यो सेवा विशेष रुपमा नेपालमा आर्थिक वृद्धिलाई बढावा दिंदै गैर–आवासीय नेपालीहरू र नेपाल बाहिर बसोबास गर्ने नेपालीहरू लगायत विश्वभर छरिएर बसोवास गरिरहेका नेपालीहरुलाई नेपालमा व्यापार व्यवसाय स्थापना तथा संचालन गर्नको लागि सहजीकरण गर्ने महत्वपूर्ण भूमिका निर्भाह गर्नु हो । डायस्पोरा खाता सेवाको मुख्य विशेषताहरुमा  लन्च प्याड (स्टार्टअप आवश्यक) कम्पनी दर्ता, कम्पनीको मूल्याङ्कन, कानुनी तथा अनुपालन र आवश्यक लगानी रकम संकलन गरिदिने ,  ग्रोथ क्याटालिस्ट (व्यवसाय विस्तार)ः इक्विटी लगानी, इक्विटी÷उद्यम पूँजी व्यवस्थापन, वित्तीय विश्लेषण र विदेशी प्रत्यक्ष लगानी एफडीआई सम्बन्धमा परामर्श,  क्यापिटल एज (बजार पहुंच)ः निष्काशन तथा बिक्री प्रबन्धक, आरटीए÷आरटीएस सेवाहरु, पुँजी  सङ्कलन र नियामक निकायले तोके बमोजिमको कार्यसम्पादन,  इनसाइट ३६० (परामर्श सेवा)ः वित्तीय विश्लेषण, कम्पनी मूल्याइन, इक्विटी लगानी र व्यवसाय संचालनमा आवश्यक परामर्श , परामर्श किन लिने  डायस्पोरासँग सम्बन्धित सम्पूर्ण विषयमा वन स्टप सलुशन , सम्बन्धित क्षेत्रमा लामो अनुभव भएका व्यक्तित्वहरु मार्फत सेवा उपलब्ध , कम्पनी स्थापना वा विस्तार, आईपीओ निष्काशन गर्ने देखि धितोपत्रको दोस्रो  बजारमा सूचीकरण गरी शेयरधनी विवरण अद्यावधिक गरी राख्ने सम्मको कार्य एकीकृत रुपमा लिन सकिने  रहेको जनाइएको छ । 

धितोपत्रको दोस्रो  बजारमा सूचीकृत भएका तथा नभएका कम्पनीहरुको संस्थापक शेयर खरिद बिक्री गर्न सहज गराउन अफर फर सेल ओएफएस प्लेटफर्म  संचालनमा ल्याएको छ । एनआईसी एशिया क्यापिटलले विगत लामो समयदेखि आफ्नो मर्चेण्ट बैंकिङ्ग सेवा अन्तर्गत धितोपत्रको दोस्रो बजारमा सूचीकृत भएककेका तथा सूचीकृत नभएका  कम्पनीहरुको संस्थापक शेयरधनीहरुको शेयर प्रचलित कानुन बमोजिम खरिद बिक्री गराइदिने सम्बन्धी सेवा प्रदान गर्दै आइरहेको छ ।  सोही सेवालाई थप परिस्कृत गर्ने क्रममा नेपालमा सूचीकृत कम्पनीहरुको संस्थापक समूहको शेयर खरिद बिक्री गर्न निकै नै कानूनी प्रकृया पुरा गर्नुपर्ने देखिन्छ ।  त्यसै गरी सूचीकृत नभएका पब्लिक कम्पनीहरुको संस्थापक समूहको शेयर समेत कारोबार गर्न निकै झन्झटिलो  प्रकृया बाहेक  लगानीकर्ताहरुले चाहेको समयमा खरिदकर्ता तथा बिक्रीकर्ता नपाउँदा संस्थापक शेयरमा गरिएको लगानी फ्रिज भएर बसेको गुनासो लगानीकर्ताहरुबाट बारम्बार सुनिने गरेको हुँदा संस्थापक शेयर खरिद बिक्रीको लागि वन स्टप सलुशन उपलब्ध गराउने मुख्य उद्देश्यका साथ एन आई सी एशिया क्यापिटलले अफर फर सेल ओएफएस प्लेटफर्मसंचालनमा ल्याएको  जनाएको छ ।

जस अन्तर्गत क्यापिटलले संस्थापक समूहको शेयर बिक्री तथा खरिद गर्न चाहने लगानीकर्ताहरुलाई अनलाईन मार्फत कमन प्लेटफर्मबाट आफैले खरिद बिक्री गर्न खोजेको कम्पनीको विवरण रितपुर्वक क्यापिटलको वेभसाईट मार्फत उपलब्ध गराउनु पर्ने छ। उक्त विवरणको आधारमा  क्यापिटलले सम्बन्धित कम्पनीको शेयर खरिदकर्ता वा बिक्रीकर्ता खोजी प्रचलित नियम कानुन अनुसार शेयर नामसारी सम्बन्धी आवश्यक प्रकृया अगाडि बढाउने छ । अफर फर सेल ओएफएस प्लेटफर्मकोे विशेषतामा सहज बिक्री प्रकृया ः संस्थापक समूहको शेयर बिक्री गर्न चाहने सम्बन्धित शेयरधनीहरुले क्यापिटलको वेबसाईटमा माग गरे बमोजिमको विवरण रितपूर्वक गरे पश्चात् उक्त विवरणको आधारमा सम्बन्धित् कम्पनीको शेयर खरिदकर्ता खोजी दिने कार्य क्यापिटलले गर्ने  जनाइएको छ । यसैगरी अन्य विशेषतामा  सहज खरिद प्रकृया कनै पनि कम्पनीको सस्थापक समूहको शेयरमा लगानी गर्न चाहने लगानीकर्ताहरुलाई सोको विवरण उपलब्ध गराए पश्चात् क्यापिटलले उक्त कम्पनीको शेयर खोजी दिने कार्य गर्ने छ।

सुरक्षित र गोपनीयता कायम रहने,  सम्बन्धित शेयर खरिदकर्ता तथा बिक्रीकर्ताको विवरण अति सुरक्षित तथा गोपनीयता कायम हुने गरी प्राप्त विवरण सम्बन्धित अधिकारीले आवश्यक अध्ययन गरेर शेयर खरिद बिक्री सम्बन्धी आवश्यक प्रकृया अगाडि बढाउने जनाइएको छ । यसैगरी  सहज र सर्वसुलभ ः सम्बन्धित व्यक्ति तथा संस्थाहरुले आफुले खरिद बिक्री गर्न चाहेको सम्बन्धित कम्पनीको विवरण सहजै रुपमा स्वदेश तथा विदेशको जुन सुकै स्थानबाट पनि सहज र सर्वसुलभ रुपमा अनलाईन मार्फत विवरण उपलव्ध गराउन सक्ने जनाइएको छ । खरिद बिक्री मूल्य निर्धारण गर्नको लागि मूल्यांकन प्रतिवेदन उपलब्ध गराइने गरी सम्बन्धित कम्पनीको  मूल्यांकन  गरेर संस्थापक समूहको शेयरको खरिद बिक्री गर्नको लागि उचित प्रति शेयर खरिद विक्री मूल्य निर्धारण गर्न सहयोग गर्ने एनआईसी एशिया क्यापिटलका प्रमुख  कार्यकारी अधिकृत रामेन्द्र रायमाझी र क्यापिटलका प्रमख मर्चेण्ट बैंकिङ अधिकृत दामोदर रायमाझी समेतको उपस्थितिमा आयोजित पत्रकार सम्मेलनमा  जनाइएको छ ।

अनलाइन व्यवस्थामा  क्लिक गरी कुन कम्पनीको संस्थापक समूहको शेयर खरिद वा बिक्री गर्न चाहेको हो सोको विवरण रितपुर्वक भरी आवेदन पेश गर्न सकिने छ। साथै उक्त सेवा लिन तथा सेवा सम्बन्धमा थप जानकारीको लागि क्यापिटलका प्रमुख मर्चेण्ट बैंकिङ्ग अधिकृतसँग सम्पर्क गर्न सकिने जनाइएको छ ।