Apr 12 2025 | २०८१, चैत ३०गते
काठमाडौ । क्रेस्ट माइक्रो लाइफ इन्स्योरेन्स लिमिटेडले फागुन २२ गतेदेखि २६ गतेसम्म निष्काशन तथा विक्री खुला गरेको आईपीओ मंगलबार बाँडफाँट भएको छ । आईपीओ विक्री प्रबन्धक एनआईएमबी एस क्यापिटलको कार्यालयमा बाँडफाँट भएको हो ।
कम्पनीले प्रतिकित्ता १०० रुपैयाँका दरले १८ लाख ४५ हजार कित्ता शेयर सर्वसाधारणका लागि विक्री खुलाएको थियो । जसमा १९ लाख ६५ हजार ८११ जनाले आवेदन दिएका थिए ।
आवेदन दिएका १९ लाख ५५ हजार ६८५ जनामध्ये १ लाख ८४ हजार ५ सय जनालाई १०–१० कित्ताका दरले शेयर पाएका छन् भने बाँकीको हात खाली भएको छ । त्यस्तै १० हजार १२६ जनाको आवेदन रद्द भएको छ ।
लगानीकर्ताले आईपीओको नतिजा विक्री प्रबन्धक एनआईएमबी एस क्यापिटल लिमिटेडको वेबसाइट र मेरो शेयर एकाउन्ट बाट नतिजा हेर्न सक्नेछन् ।
© 2025 All right reserved to Nayasadak.com | Site By : Sobij
