Apr 02 2025 | २०८१, चैत २०गते
काठमाडौँ । राष्ट्रिय योजना आयोगका सदस्य समेत रहेका नेपाल राष्ट्र बैंकका कार्यकारी निर्देशक प्रकाशकुमार श्रेष्ठले पदबाट राजीनामा दिएका छन् । आयोग सदस्य नियुक्त भएसँगै उनी काजमा योजना आयोगमा काम गरिरहेका हुन् । राष्ट्र बैंक गभर्नरका आकाँक्षी श्रेष्ठले राष्ट्र बैंकबाट राजीनामा दिनुलाई अर्थपूर्ण रूपमा लिइएको छ । अहिले उपप्रधानमन्त्री तथा अर्थमन्त्री संयोजकत्वको गभर्नर सिफारिस समितिले काम गरिरहेको छ । उनले अर्थमन्त्री विष्णुप्रसाद पौडेलको अघिल्लो कार्यकालमा अर्थ मन्त्रालयको वरिष्ठ आर्थिक सल्लाहकार भएर काम गरेका थिए ।
यसैगरी एमाले महासचिव शंकर पोखरेल लुम्बिनी प्रदेशको मुख्यमन्त्री हुँदा श्रेष्ठले प्रदेश योजना आयोगको उपाध्यक्षका रूपमा पनि काम गरेका थिए ।मौद्रिक अर्थशास्त्रमा विद्यावारिधि गरेका श्रेष्ठ राष्ट्र बैंकभित्र क्षमतावान अधिकृतमध्ये गनिन्छन् ।
© 2025 All right reserved to Nayasadak.com | Site By : Sobij
