Apr 02 2025 | २०८१, चैत २०गते
काठमाडौँ । काठमाडौँ तीनकुनेमा राजावादी प्रदर्शनकारीले घरहरूमा तोडफोड र आगजनी गरेका छन् । विभिन्न ठाउँबाट ¥यालीसहित तीनकुने आएर सभामा परिणत हुने पूर्व जानकारी अनुसार कार्यक्रम बढ्नु भन्दा पहिले नै भीड भड्किएको हो । उनीहरूले तीनकुने सडक किनारमा रहेका घरहरूको सिसा फुटाएका हुन् । तीनकुने क्षेत्रमा राजावादीहरूले तोकिएको घेरा तोड्न खोजेपछि स्थिति तनावग्रस्त बन्न पुगेको हो । प्रदर्शनका लागि तोकिएको घेरा तोड्न प्रदर्शनकारीले प्रहरीमाथि ढुंगामुढासमेत प्रहार गरेका छन् । प्रदर्शनकारीलाई रोक्न प्रहरीले अश्रुग्यास प्रहार गरेको छ ।
नवराज सुवेदी नेतृत्वको संयुक्त जनआन्दोलन समितिले व्यवसायीलाई दुर्गा प्रसाईंलाई आन्दोलनमा जनपरिचालनको जिम्मा दिएको छ । उक्त आन्दोलनमा राजेन्द्र लिङ्देन नेतृत्वको राप्रपाको समेत साथ रहेको छ ।
© 2025 All right reserved to Nayasadak.com | Site By : Sobij
