Apr 21 2025 | २०८२, वैशाख ९गते
काठमाडौँ । नेपाल राष्ट्र बैंकले २१ दिनका लागि २० अर्ब रुपैयाँ तानिरहेको छ ।विभिन्न सर्तहरू अन्तर्गत निक्षेप संकलन उपकरणको उपयोगरी बोलकबोल मार्फत् २० अर्ब रुपैयाँ तान्न राष्ट्र बैंकले योग्य बोलकबोलकर्ताहरूलाई आह्वान गरेको हो ।
केन्द्रीय बैंकद्वारा जारी विज्ञप्ति अनुसार बोलकबोलकर्ताले अनलाइन बिडिङ सिस्टम सफ्टवेयरको प्रयोग गरी बोलकबोल गर्न चाहने रकम र त्यसको ब्याजदर उल्लेख गरी आवेदन दिनुपर्ने छ ।
निष्काशन मिति २७ गते जारी भइ त्यसको सावाँ र ब्याज भुक्तानी बैशाख १७ गते हुने जनाउँदै आह्वान गरिएको सूचना अनुसार बोलकबोलकर्ताले घटीमा १० करोडले र बढीमा ५ करोडले निशेष भाग जाने रकम बोलकबोल गर्न आवेदन दिनुपर्नेछ ।
राष्ट्र बैंकद्वारा इजाजत प्राप्त क , ख र ग वर्गका बैंक तथा वित्तीय संस्थाहरूले यो बोलकबोलमा भाग लिन पाउने जनाइएको छ ।
© 2025 All right reserved to Nayasadak.com | Site By : Sobij
