May 04 2025 | २०८२, वैशाख २२गते
काठमाडौं । नेपाल राष्ट्र बैंकले बैंकिङ प्रणालीमा देखिएको अधिक तरलता व्यवस्थापन गर्न ५० अर्ब रुपैयाँ बराबरको निक्षेप संकलन उपकरण आज बोलकबोलमार्फत जारी गर्दैछ। केन्द्रीय बैंकले आइतबार दिउँसो ३ बजेसम्म बैंक तथा वित्तीय संस्थाहरूबाट आवेदन माग गरेको छ। यो उपकरण २१ दिन अवधिका लागि हुने भएको छ, जसको साँवा र ब्याज असार ६ गते भुक्तानी गरिनेछ।
बोलकबोल प्रक्रियाबाट निर्धारण हुने यस उपकरणको ब्याजदर प्रतिस्पर्धात्मक हुनेछ। सहभागी संस्थाहरूले न्यूनतम १० करोड रुपैयाँदेखि अधिकतम माग रकमको ५ प्रतिशतसम्म निःशेष भाग रहने गरी बोलकबोलमा भाग लिन सक्नेछन्।
यसअघि वैशाख १७ गते राष्ट्र बैंकले यस्तै ५० अर्ब रुपैयाँ निक्षेप संकलन गर्दा बैंक तथा वित्तीय संस्थाबाट कुल १ खर्ब ७ अर्ब ३५ करोड रुपैयाँ बराबरको आवेदन परेको थियो, जहाँ औसत ब्याजदर २।८५ प्रतिशत कायम भएको थियो। यस्ता उपायमार्फत केन्द्रीय बैंकले बजारमा सन्तुलन कायम राख्न र मुद्रास्फीतिमा नियन्त्रण गर्न मद्दत पुर्याउने लक्ष्य राखेको छ।
© 2025 All right reserved to Nayasadak.com | Site By : Sobij
