May 05 2025 | २०८२, वैशाख २३गते
काठमाडौं । नेको इन्सुरेन्स कम्पनी लिमिटेडको वार्षिक साधारण सभा आगामी जेठ ९ गते बिहान ११ बजे लिसारा रिसेप्सन, नक्साल, काठमाडौंमा बस्ने भएको छ। सभामा कम्पनीले ७ प्रतिशत बोनस सेयर र ०.३६८४ प्रतिशत नगद लाभांश दिने प्रस्ताव पारित गर्नेछ।
सभामा आर्थिक वर्ष २०८०/८१ को वार्षिक प्रतिवेदन, नाफा–नोक्सान विवरण तथा नगद प्रवाह लगायतका विषयमा छलफल गरिनेछ। साथै, आर्थिक वर्ष २०८१/८२ का लागि लेखापरीक्षक नियुक्ति तथा पारिश्रमिक निर्धारण गर्ने एजेन्डा पनि सभामा पेश गरिनेछ।
साधारण सभा तथा लाभांश वितरण प्रयोजनका लागि कम्पनीले वैशाख ३० गते बुक क्लोज गर्ने निर्णय गरेको छ। तसर्थ, वैशाख २९ गतेसम्म सेयरधनी नाममा कायम हुनुपर्नेछ। तर, वैशाख २९ गते बुद्ध जयन्तीको सार्वजनिक विदा परेकाले व्यवहारिक रूपमा वैशाख २८ गतेभित्र सेयर खरिद गरिसक्नु पर्नेछ।
© 2025 All right reserved to Nayasadak.com | Site By : Sobij
