काठमाडौं । ७२औँ अन्तर्राष्ट्रिय भन्सार दिवसको अवसरमा नेपाल भन्सार एजेन्ट संघ काठमाडौंले विभिन्न रचनात्मक कार्यक्रमहरू गरी मनाएको छ । त्यसक्रममा रक्तदान कार्यक्रम लगायतका कार्यक्रमहरू गरिएको संघका पदाधिकारीहरूले बताएका हुन् ।
भन्सार एजेन्ट संघ काठमाडौँले १८ वटा फुटसलको टिम बनाइ खेलकुद प्रतियोगिता गरिएको संघका अध्यक्ष गौतम भट्टले नयाँ सडकलाई बताए ।
फुटसल प्रतियोगितामा निर्यात परिषद्, विभिन्न एयरलाइन्सहरूलगायत १८ वटा टिम रहेको संघका सचिव होमनाथ धमलाले बताए ।
यसैगरी कोषाध्यक्ष शिवराज रिजालले भन्सार दिवसको अवसरमा विभिन्न सरसफाइ कार्यक्रम गरिएको बताए । ७२औँ अन्तर्राष्ट्रिय भन्सार दिवसको अवसरमा संघले रक्तदानलगायतका कार्यक्रमहरू सफलतापूर्वक सम्पन्न भएको संघका सदस्य सुमन निरौलाले बताए ।
