काठमाडौं । शिवम् होल्डिङ्स लिमिटेडको व्यापारमा ४५.३८ प्रतिशतको गिरावट आएको छ । रेटिङ एजेन्सी इन्फोमेरिक्सका अनुसार यस होल्डिङ्सले सन् २०२३ मा २१ करोड ३० लाख रुपैयाँ व्यापार गरेको छ । शिवम् होल्डिङ्स सन् २०१५ मा स्थापना भएको कम्पनी हो । यसलाई सन् २०२२ मा पब्लिक कम्पनीमा परिणत गरिएको थियो । यसको होङशी सिमेन्टमा ३० प्रतिशत लगानी छ ।
कम्पनीको जलविद्युत, उत्पादन, वित्तीय सेवा, होटल्समा लगानी रहेको रेटिङ एजेन्सीले जनाएको छ । रेटिङ एजेन्सी इन्फोमेरिक्सले यसलाई ‘आइआरएन बीबीबी माइनस’ रेटिङ दिएको छ । होल्डिङ्सले होङ्शीबाट पाउने लाभांश घटेपछि यसको आम्दानी घटेको हो । शिवम् होल्डिङ्स प्रिमियममा आइपीओ जारी गर्ने तयारीमा छ ।
