काठमाडौं । सरकारले स्वास्थ्य बिमा बोर्डका कार्यकारी निर्देशक डा. दामोदर बसौलालाई बर्खास्त गर्ने निर्णय गरेको छ । स्वास्थ्यमन्त्री मोहनबहादुर बस्नेतको सिफारिसमा माघ ९ गते बसेको मन्त्रीपरिषद् बैठकले बसौलालाई बर्खास्त गर्ने निर्णय गरेको हो ।
स्वास्थ्यमन्त्री मोहनबहादुर बस्नेतले सर्वोच्च अदालतको आदेश विपरीत बसौलालाई हटाउनका लागि पुस २४ मा मन्त्रीपरिषदमा सिफारिस गरेका थिए । सोही सिफारिस अनुसार उनलाई हटाइएको हो ।यसअघि निर्देशक डा।बसौलालाई सर्वोच्च अदालतले पुस ६ गते अन्तरिम आदेश जारी गरी निलम्वन नगर्न आदेश दिएको थियो ।
