काठमाडौं । ङादी ग्रुप पावर लिमिटेडले चालु आर्थिक वर्षको दोस्रो त्रैमाससम्म ३ करोड ३२ लाख ५२ हजार रुपैयाँ खुद नाफा कमाएको छ । यो गत वर्षको यसै अवधिको तुलनामा ३५.६५ प्रतिशतले धेरै हो ।
विद्युत बिक्रीबाट हुने आम्दानी ८ करोड ४२ लाखबाट बढेर ८ करोड १३ लाख रुपैयाँ पुगेको छ । वित्तीय खर्च २ करोड ६७ लाखबाट घटेर १ करोड २५ लाख रुपैयाँ कायम भएको छ । खर्च घट्दा र आम्दानी बढ्दा कम्पनीको नाफा पनि बढेको हो । ङादीको चुक्ता पुँजी १ अर्ब ८५ करोड १२ लाख ७९ हजार रुपैयाँ रहेको छ । यसको रिटेन्ड अर्निङमा ९ करोड २१ लाख रुपैयाँ रहेको छ । अदर इक्विटी १ अर्ब २ करोड ७५ लाख रुपैयाँ बराबर छ ।
