काठमाडौं । पुस महिनाको तुलनामा माघमा घरजग्गा कारोबारमा वृद्धि भएको छ । माघ महिनामा घरजग्गा कारोबारबाट सरकारलाई ३ अर्ब ३७ करोड ५७ लाख ४६ हजार २३१ रुपैंयाँ राजस्व प्राप्त भएको हो ।
घर जग्गा कारोबारमा वृद्धि रकम पुस महिनाको तुलनामा माघ महिनामा १७ करोड बढीले बढेको देखियो । पुस महिनामा ३ अर्ब २० करोड ५२ लाख १३ हजार ५३० रुपैयाँ राजस्व संकलन भएको भूमि व्यवस्थापन विभागको तथ्यांकले दर्शाएको छ ।
माघ महिनामा देशभर ५० हजार ९२१ घरजग्गाको कारोबार हुँदा यो पुसको तुलनामा १० प्रतिशतले बढी हो । गत पुसको तुलनामा माघमा घरजग्गाको काराबोर १२.४७ प्रतिशतले बढी हो। पुसमा ४६ हजार ३० घरजग्गाको कारोबार भएको थियो ।
गत वर्ष माघ महिनामा भएको कारोबारको तुलनामा भने यो वर्षको माघमा घरजग्गा कारोबार २३.९७ प्रतिशतले बढेको हो।
