काठमाडौं । सर्वोत्तम सिमेन्टको आइपीओमा बुधबार बिहान १०ः३५ बजेसम्ममा १५ अर्ब ४१ करोड १० लाख ९० हजार ४४७ रुपैयाँ बराबरको आवेदन परेको सीडीएस एन्ड क्लियरिङ लिमिटेडको तथ्यांकले देखाएको छ । सीडीएसका अनुसार यसमा ७ लाख ९९ हजार ९६२ जनाले ४ करोड २७ लाख १ हजार ८३० कित्ताका लागि आवेदन दिएका छन् । यो मागभन्दा १५.३८ गुणा बढी आवेदन हो । सर्वोत्तम सिमेन्टले पहिलो पटक बुक बिल्डिङमार्फत सर्वसाधारणलाई फागुन १३ गतेदेखि कुल २७ लाख ७६ हजार ७६ कित्ता आइपीओ निष्कासन तथा बिक्री खुला गरेको हो ।
