Sep 06 2025 | २०८२, भदौ २१गते
काठमाडौं । पर्सा जिल्ला प्रहरी कार्यालयले राजस्व अनुसन्धान कार्यालय पथलैयामा चोरी तस्करी गरी लान खोजिएको ५८ लाख बढीको मालवस्तुसहितको ट्रक थप अनुसन्धानका लागि बुझाएको छ ।प्रहरीले बिल बिजक भन्दा बढी औषधि तथा खुद्रा मालवस्तु लोड भएको मालवाहक ट्रक बैशाख ३ गते राजस्व अनुसन्धान कार्यालय पथलैया बुझाएको हो ।
प्रहरीले पाएको सूचनाका आधारमा खोज तलाश गर्दा सो ट्रक नियन्त्रण लिएको जनाएको छ ।प्रहरीले जनाए अनुसार मिति २०८१।०१।०२ गते सवा दश बजे राती बिल विजक भन्दा बढी औषधी तथा खुद्रा सामानहरु बोकेको माल बाहक ट्रक वीरगञ्जबाट चितवनतर्फ जाँदै गरेको सूचना पाएको थियो ।
सो सूचनाको आधारमा जिल्ला पर्सा वीरगञ्ज महानगरपालिका वडा नं.०८ घण्टाघरचोक स्थित सडकखण्डमा ना.३ ख ५१६५ नम्बरको ट्रकलाई रोकी जाँच गर्ने क्रममा बिल बिजक भन्दा बढी औषधी तथा खुद्रा सामानहरु लोड रहेको पाइएको थियो ।सो विल बिजक शंकास्पद देखिएको हुँदा अन्दाजी मूल्य .५८लाख ४६ हजार २ सय ४१ रुपैयाँ कायम गरी थप अनुसन्धान तथा आवश्यक कारवाहीको लागि मिति २०८१।०१।०३ गते राजस्व अनुसन्धान कार्यालय पथलैया, बारामा बुझाइएको प्रहरीले जनाएको छ ।
© 2025 All right reserved to Nayasadak.com | Site By : Sobij
