काठमाडौं । आइजीआई प्रुडेन्सियल इन्स्योरेन्स कम्पनीले चालू आर्थिक वर्ष (आव)को तेस्रो त्रैमासिक वित्तीय विवरण सार्वजनिक गरेको छ ।
उक्त वित्तीय विवरण अनुसार कम्पनीको खुद नाफा गत आवको तेस्रो त्रैमासको तुलनमा चालू आवको सोही अवधिमा १८१ प्रतिशत वृद्धि भएको छ । गत आवमा कम्पनीले रू. १६ करोड ६३ लाख नाफा कमाएकोमा चालू आवमा बढेर रू.४६ करोड ७६ लाख पुगेको हो । नाफा बढेसँगै कम्पनीको प्रतिशेयर आम्दानी पनि वृद्धि भएको छ ।कम्पनीको चुक्ता पूँजी रू. ३ अर्ब २ करोड छ भने चालू आवको तेस्रो त्रैमाससम्ममा कम्पनीको स्पेशल रिजर्भ शीर्षकमा रू.१ अर्ब ६५ करोड छ । सो अवधिमा अवधिमा कम्पनीको रिटेन्ड अर्निङमा रू. २७ करोड ९७ लाख र महाविपत्ति कोषमा रू. ७ करोड ७६ लाख सञ्चिति गरेको छ ।
