काठमाडौं । पर्सा प्रहरीले बैशाख महिनामा ६ करोड बढीको कर छली ल्याएको मालवस्तु नियन्त्रणमा लिएर सरोकारवाला निकायमा थप अनुसन्धानका लागि बुझाएको छ ।
बैशाख महिनामा विभिन्न समयमा विशेष सूचनाको आधारमा खटिएका प्रहरी टोलीहरूले अन्दाजी ६ करोड १३ लाख ६८ हजार ४४ रुपैयाँ बराबरको मालवस्तु नियन्त्रणमा लिई सरोकारवाला निकायमा थप अनुसन्धानका लागि बुझाएको पर्सा प्रहरीले जनाएको हो ।
जिल्ला प्रहरी पर्साले जारी गरेको विज्ञप्तिमा भनिएको छ “ विशेष सूचनाको आधारमा यस कार्यालय तथा मातहत समेतका प्रहरी कार्यालयबाट खटिएको प्रहरी टोलीले निम्न स्थानहरूबाट निम्न मालवस्तुहरू अ.मू.रु.६,१३,६८,०४४।–, ( छ करोड तेह्र लाख अड्सठी हजार चौवालीस ) बराबरको विभिन्न किसिमका लत्ताकपडा खुद्रा, किराना, औषधी तथा ईलेक्ट्रोनिक्स सामानहरू पक्राउ गरी सम्बन्धित कार्यालयहरूमा बुझाइएको ।”
