काठमाडौं । चालु आर्थिक वर्षको १० महिना बैशाखमा मसुर दालको सबै भन्दा बढी निर्यात बंगलादेशमा गरिएको छ भने सबै भन्दा कम निर्यात भारत गरिएको छ ।भन्सार विभागले सार्वजनिक गरेको बैशाख महिनासम्मको आयात निर्यात प्रतिवेदनमा रातो दालको भारत निर्यात २ किलो गरिएको उल्लेख गरिएको हो ।
बंगलादेशमा १ लाख ३० हजार किलो, हंगकंगमा २ हजार ३सय किलो , जापानमा ३०० किलो र सिंगापुरमा ७७ हजार किलो रातो दाल निर्यात गरिएको देखिएको हो ।
बैशाख महिनासम्म रातो दालको बंगलादेश, हंगकंग, भारत, जापान र सिंगापुरमा क्रमशः १० लाख ३२ हजार ७सय, ९हजार ३सय , ८लाख १६हजार ५सय२८,२२हजार ३सय र २लाख ५७हजार किलो निर्यात गरिएको भन्सार विभागको प्रतिवेदनमा उल्लेख छ ।
विभागको चैत महिनाको प्रतिवेदनमा बंगलादेशमा ९ लाख २ हजार ७ सय , हंगकंगमा ७ हजार , भारतमा ८ लाख १६ हजार ५सय २६ किलो, जापान २२ हजार र सिंगापुरमा १ लाख ८० हजार किलो रातो दाल निर्यात गरिएको उल्लेख छ ।
