काठमाडौं । नेपाल दूरसञ्चार प्राधिकरणले मुद्दतीमा लगानी गर्न लागेको छ ।प्राधिकरणले ग्रामीण दूरसञ्चार विकास कोषमा रहेको रकम मुद्दतीमा लगानी गर्न लागेको हो ।
कम्पनीले ६ महिनादेखि एक वर्षे अवधिका लागि मुद्दतीमा सो रकम लगानी गर्न लागेको जनाएको छ । प्राधिकरणले यसका लागि मुद्दतीमा लिन चाहने ‘क’ वर्गका वाणिज्य बैंकलाई प्रस्ताव गर्न आह्वान गरेको छ ।
मुद्दती लिन चाहने ले आफूले राख्न चाहेको रकम तथा उक्त रकमका लागि प्रस्ताव गरिएको ब्याजदरसमेत खुलाई असार ३१ गते बेलुका ५ बजेसम्म प्राधिकरणको आर्थिक प्रशासन शाखामा शिलबन्दी कोटेसन पेश गर्न सक्ने गरी सो आह्वान गरिएको छ ।
