काठमाडौं। नेपाल राष्ट्र बैंकले २०२६ सम्म केन्द्रीय बैंक डिजिटल मुद्रा (सीबीडीसी) को नमुना परीक्षण (पाइलट) शुरु गर्ने घोषणा गरेको छ। डिजिटल मुद्रा वा क्रिप्टोकरेन्सीको बढ्दो प्रभाव र वित्तीय क्षेत्रमा ठूला प्रविधि कम्पनीहरूको संलग्नताका कारण राष्ट्र बैंकले प्रतिक्रियास्वरूप यो कदम उठाएको हो ।
राष्ट्र बैंकले आफ्नो चौथो रणनीतिक योजना (२०२२–२०२६) अनुरूप सीबीडीसी कार्यान्वयनको समयसीमा तोकेको हो। राष्ट्र बैंकको योजनामा कुनै फेरबदल नभए यो २०२७ बाट भने पूर्णरूपले कार्यान्वयनमा आउने छ ।
राष्ट्र बैंकले सीबीडीसी परीक्षणका लागि पाँच वटा उद्देश्यहरू निर्धारण गरेको छ।
– भुक्तानी प्रणालीको लचकता र दक्षता बढाउने
– वित्तीय समावेशीकरण प्रवर्द्धन गर्ने
– नवप्रवर्तनलाई प्रोत्साहन दिने
– अन्तरदेशीय भुक्तानीलाई सहज बनाउने
– मुद्रा व्यवस्थापन लागत घटाउने
