काठमाडौं । नेपाल लाइफ इन्स्योरेन्स कम्पनी लिमिटेडले दुई कम्पनीमा १ अर्ब ३३ करोड ७२ लाख ८९ हजार ६०० रूपैयाँ बराबरको शेयर लगानी गर्ने भएको छ । साउन ६ गते बसेको कम्पनीको सञ्चालक समितिको बैठकले प्रोफेसनल एजुकेटर्स लिमिटेडमा ३५ दशमलव ३२ प्रतिशत र युनिग्लोब हाइएर सेकेन्डरी स्कुल, काठमाडौं लिमिटेडमा ४७ दशमलव ६२ प्रतिशत शेयर लगानी गर्ने निर्णय गरेको हो ।
प्रोफेसनल एजुकेटर्स लिमिटेडमा ७३ करोड ७२ लाख ८९ हजार ६०० रूपैयाँ र युनिग्लोब हाइएर सेकेन्डरी स्कुलमा ६० करोड रूपैयाँ लगानी गर्ने निर्णय कम्पनीले गरेको हो ।
