काठमाडौं । प्रधानमन्त्री केपी ओलीले बुधबार अपराह्न पाँच बजेका लागि मन्त्रिपरिषद्को आकस्मिक बैठक बोलाएका छन् । सौर्य एयरलाइन्स दुर्घटना भएको स्थलको स्थलगत निरीक्षण गरी फर्केपछि ओलीले बैठक डाकेका हुन् ।
बुधबार बिहान सौर्य एयरलाइन्सको जहाज पूर्ण परीक्षणका लागि पोखरा लगिने क्रममा भएको दुर्घटनाबारे सम्पूर्ण जानकारी तथा छानबिन प्रक्रियाका आवश्यक निर्णय लिन प्रधानमन्त्रीले बैठक डाकेका छन् ।
प्रधानमन्त्रीको सचिवालयका अनुसार दुर्घटना पछिको तीव्र उद्धार, राहतलगायत विभिन्न विषयमा निर्णय हुनेछन् । साथै एक आयोग बनाउने तयारी छ ।
यसअघि घटनास्थलको स्थलगत भ्रमण गरिसकेका गृहमन्त्री रमेश लेखकले पनि यो दुर्घटनाको छानाबिनका लागि समिति बनाइने जानकारी सार्वजनिक गरेका थिए ।
