वीरगञ्ज । काजु , ज्वानोसहित पौने दुई करोड बढीको मालवस्तु पक्राउ परेको छ ।पर्सा प्रहरीले एक करोड बयासी लाख ६ जहरा ४सय ३८ रुपैयाँ बराबरको मालवस्तु ट्रकसहित नियन्त्रणमा लिएको हो ।
विशेष सूचनाको आधारमा पर्सा जिल्ला प्रहरी कार्यालयबाट खटिएको प्रहरी टोलीले विभिन्न स्थानबाट मालवस्तु पक्राउ गरी थप अनुसन्धानका लागि पठाएको विज्ञप्ति जारी गरी जनाएको छ ।
एक करोड बयासी लाख छ हजार चार सय अठतीस रुपैयाँ बराबरको काजु, ज्वानो र ईलेक्ट्रोनिक्स सामानहरू नियन्त्रणमा लिई २०८१साल साउन १० गते थप अनुसन्धान तथा कारवाहीको लागि राजस्व अनुसन्धान कार्यालय पथलैया बारामा बुझाएको पर्सा प्रहरीले जनाएको छ ।
पर्सा प्रहरीले जारी गरेको विज्ञप्तिमा मिति २०८१।०४।०९ गते अं.१६ः३० बजेको समयमा जिल्ला पर्सा वीरगञ्ज म.न.पा.वडा नं.२५ चण्डाल चोक स्थित सडकखण्डबाट ना.५ ख २९१२ र ना.३ ख ७७२७ नम्बरको ट्रकहरूमा अन्दाजी मूल्य एक करोड बयासी लाख छ हजार चार सय अठतीस बराबरको काजु, ज्वानो र ईलेक्ट्रोनिक्स सामानहरू राजस्व अनुसन्धान कार्यालय पथलैयामा बुझाइएको उल्लेख छ ।
