काठमाडौं । सहकारी छानबिन समितिले सरकारलाई विदेशमा रहेका भनिएका जीबी राईसहित सहकारीका १८ जना सञ्चालक तथा व्यवस्थापकलाई स्वदेश फर्काउन आवश्यक प्रबन्ध मिलाउन निर्देशन दिएको छ ।सोमबार बसेको समितिको बैठकले उनीहरूलाई फर्काउन सरकारलाई निर्देशन दिने निर्णय गरेको हो ।
उनीहरूमाथि सोधपुछ गरेपछि मात्र निष्कर्षमा पुगिने समितिका संयोजक सूर्य थापाले जानकारी सार्वजनिक गरे ।समितिको निर्णयमा गृहमन्त्रालय पनि सहमत रहेको संयोजक थापाको भनाइ छ ।यसैगरी कारागारमा रहेका सहकारीका सञ्चालक तथा व्यवस्थापकसँग पनि सोधपुछ गर्ने निर्णय समितिले गरेको छ ।
