काठमाडौं। विद्युत बक्यौता बुझाउन बाँकी रहेका व्यापारीलाई भेटेका सार्वजनिक लेखा समितिका सभापति ऋषिकेश पोखरेलमाथि छानबिन गनुपर्ने मा गरिएको छ ।प्रतिनिधिसभाको बैठकमा प्रमुख प्रतिपक्षी नेकपा माओवादी केन्द्रका सांसद माधव सापकोटाले यस्तो माग गरेका हुन् ।
सांसद सापकोटाले मंगलबार प्रतिनिधि सभाको बैठकमा पोखरेलले डेडिकेटेड र ट्रंक लाइनको सुविधा लिएका तर बक्यौता रहेका व्यापारीलाई रहस्यमयरुपमा भेटेको सूचना आएको भनी छानबिन गर्नुपर्ने माग गरे ।
डेडिकेटेड फिडर र ट्रंकलाइनको विषयमा सार्वजनिक लेखा समितिमा बहस कायमै छ। तर, उक्त समितिका सभापति र झगडियाहरुमध्ये बक्यौता समेत कायम रहेका एक जना व्यापारीका बीचमा रहस्यमय भेट भएको सूचना आएकोले यो पदीय दुरुपयोग भएकोले यस घटनाको गम्भीरतापूर्वक छानबिन हुनुपर्ने माग उनले गरे ।
