काठमाडौं । शाइन रेसुंगा डेभलपमेन्ट बैंक लिमिटेडले गत आर्थिक वर्षको चौथो त्रैमाससम्म ६९ करोड ७४ लाख रुपैयाँ खुद नाफा आर्जन गरेको छ ।
बैंकको इम्पेयरमेन्ट चार्ज बढेको छ । जसकारण नाफामा दबाब परेको छ ।
खुद ब्याज आम्दानी भने थोरै बढेको छ । २ अर्ब ११ करोड रहेको उक्त आम्दानी ६.१४ प्रतिशतले बढेर २ अर्ब २४ करोड रुपैयाँ कायम भएको छ । बैंकको इम्पेयमेन्ट चार्ज ६१.२९ प्रतिशत बढेर ४९ करोड ३ लाख रुपैयाँ कायम भएको छ ।
सञ्चालन नाफा ३.५५ प्रतिशतले घटेको छ । चक्ता पुँजी ४ अर्ब ७३ करोड ३६ लाख ९० हजार रुपैयाँ रहेको शाइनको जगेडा कोषमा १ अर्ब ७६ करोड रुपैयाँ जम्मा रहेको छ । यसको वितरणयोग्य नाफा ३८ करोड ४२ लाख रुपैयाँ देखिएको छ । उक्त रकमबाट यसले ८.१२ प्रतिशत लाभांश वितरण गर्न सक्छ ।
