काठमाडौं । नेसनल लाइफ इन्सुरेन्स र सूर्योदय वोमी लघुवित्तको लाभांश सुरक्षित गर्ने आज बुधबार असार २३ गते अन्तिम दिन हो । दुवै कम्पनीले साधारण सभा प्रयोजनको लागि बिहीबार असार २४ बुक क्लोज गर्दैछन् ।
नेसनल लाइफ इन्सुरेन्स गत आर्थिक वर्षको नाफाबाट ४ प्रतिशत बोनस सेयर र कर सहित १०।७४ प्रतिशत नगद लाभांश वितरण गर्दैछ । उक्त लाभांश पारित गर्न यस इन्सुरेन्सले भदौ ७ गते वार्षिको साधारण सभा बोलाएको छ । सभा, नेसनल लाइफ भवन, केन्द्रीय कार्यालय, लाजिम्पाटमा बिहान साढे १० बजे सुरु हुनेछ ।
सूर्योदय वोमी लघुवित्तले गत आर्थिक वर्षको नाफाबाट १४ प्रतिशत बोनस सेयर वितरण गर्दैछ । उक्त बोनस सेयर एफपीओ हात पार्ने लगानीकर्ताले पनि पाउँने छन् । उक्त बोनस सेयर पारित गर्न यस कम्पनीको वार्षिक साधारण सभा साउन ३२ गते बस्दैछ ।
