काठमाडौं । सशस्त्र प्रहरी बलको प्रधान कार्यालयको गोदाम आगलागी घटनामा दुई एसपीसहित ९ कारबाहीमा परेका छन् ।छानबिन समितिले निकालेको निष्कर्ष अनुसार उनीहरू कारबाहीमा परेका हुन् ।
कारबाही पर्नेमा दुई जना सशस्त्र प्रहरी उपरीक्षक (एसपी), एक डीएसपी, २ इन्सपेक्टर, एक सई, २ असई र एक जवान छन् ।सशस्त्रको बलम्बुस्थित नम्बर ९ पशुपति बाहिनी परिसरभित्र २६ चैत २०८० मा आगलागी भएको थियो ।
कारबाही मामिलाका जानकार अनुसार एसपी राजेन्द्र श्रेष्ठको बढुवा चार वर्षसम्म रोक्का गरिएको छ । सशस्त्रको बलम्बुस्थित नम्बर ९ पशुपति बाहिनी परिसरभित्र २६ चैत २०८० मा आगलागी हुँदा श्रेष्ठ सशस्त्रको भण्डारण महाशाखाका प्रमुख रहेकाले कारबाहीमा परेका हुन् । कारबाहीमा परेका बाँकी ८ जनालाई भने नसिहत दिइएको छ ।
