काठमाडौँ । भारतका विदेश सचिव विक्रम मिस्री नेपाल आइपुगेका छन् । परराष्ट्र सचिव सेवा लम्सालको निमन्त्रणामा मिस्री नेपाल आएका हुन् ।त्रिभुवन अन्तर्राष्ट्रिय विमानस्थलमा सचिव लम्सालले मिस्रीको स्वागत गरेकी थिइन् ।
लम्सालले भारत भ्रमणमा गएको बेला भारतीय सचिव मिस्रीलाई नेपाल भ्रमणको निमन्त्रणा दिएकी थिइन् । भ्रमणको क्रममा उनले नेपालका राष्ट्रपति रामचन्द्र पौडेल, प्रधानमन्त्री केपी शर्मा ओली, परराष्ट्रमन्त्री आरजु राणा देउवालगायत शीर्ष नेताहरूसँग भेटघाट गर्ने कार्यक्रम रहेको जनाइएको छ ।
विनयमोहन क्वात्राले विदेश सचिवबाट अवकाश पाएपछि गत जुलाई १५ मा मिस्रीले सो जिम्मेवारी सम्हालेका थिए ।उनले भारतका प्रधानमन्त्री इन्द्रकुमार गुजराल, मनमोहन सिंह र नरेन्द्र मोदीको निजी सचिवालयमा समेत काम गरिसकेका छन् ।
