हेटौंडा । हेटौंडाका व्यवसायीहरूले कर वृद्धिको विरोधमा आफ्ना व्यवसाय बन्द गरेर साँचो उपमहानगरलाई बुझाएका छन्। मेयर मिनाकुमारी लामा र उपमेयर राजेश बानियाँले नाराबाजी गरिरहेका व्यवसायीहरूको भीडमा आएर साँचो बुझेका हुन् ।
मकवानपुर उद्योग वाणिज्य संघको नेतृत्वमा भइरहेको कर वृद्धि विरूद्धको आन्दोलनलाई साथ दिंदै व्यवसायीहरूले शुक्रबार आफ्ना व्यवसाय बन्द गरेर उपमहानगर कार्यालयमा धर्ना दिएर बसेका हुन् ।
मेयर र उपमेयरले आन्दोलनरत व्यवसायीहरूका केही प्रतिनिधिलाई भित्र आउन गरेको आग्रहलाई उनीहरूले अस्वीकार गरेका थिए । त्यसपछि मेयर र उपमेयले बाहिर आएर व्यवसायीहरूबाट साँचो बुझ्न आएका थिए ।
