काठमाडौं । नेपाल आइपुगेका अमेरिकाका व्यवस्थापन तथा स्रोतसम्बन्धी उपविदेशमन्त्री रिचार्ड आर वर्माले शुक्रबार राजनीतिक भेटघाट थालेका छन् ।
शुक्रबार काठमाडौं ओर्लनेबित्तिकै व्यस्त राजनीतिक भेटघाटको कार्यतालिका अनुसार उपविदेशमन्त्री वर्माले प्रधानमन्त्री केपी शर्मा ओलीलाई सिंहदरबारमा शुक्रबार दिउँसो भेटेका हुन् ।
प्रधानमन्त्री ओलीसँगको भेटमा आर्थिक विकास, महिला सशक्तिकरण, ऊर्जा क्षेत्रमा सहकार्य सम्भावना लगायत विषयमा कुराकानी भएको सम्बद्ध स्रोतले बतायो ।
यसका अतिरिक्त अमेरिकामा भइरहेको चुनाव र अन्तर्राष्ट्रिय कटनीतिक राजनीतिक विषयमा पनि छलफल भएको बुझिएको छ ।
