काठमाडौं । ज्यास्मिन फिटनेस क्लब एन्ड स्पाले भाद्र १५ गते तदनुसार अगस्ट १५ तारिखका दिन ‘गेटटुगेदर’ कार्यक्रमको आयोजना गरेको छ ।क्लबका सदस्यहरूबीच एक आपसमा मेलमिलाप बढाउने उद्देश्यले आयोजना गरिने सो कार्यक्रममा विभिन्न प्रतिस्पर्धाको आयोजना गरिएको क्लबले जनाएको हो ।
शनिबार यो विशेष दिनको अवसरमा मिस नेपाल २०२४ का विजेतालाई विशेष अतिथिको रूपमा आमन्त्रित गरी ल्याइने र सम्मान गरिने कार्यक्रम रहेको छ । साथै फिटनेस क्लबका विभिन्न विधामा गरिने प्रतिस्पर्धामा जित्नेहरूलाई मिस नेपालका विजेताबाट पुरस्कार र सम्मान गरिने कार्यक्रम रहेको छ ।
यसका अतिरिक्त यो दिन बिहानदेखि स्न्याक्स, मोकटेल÷बियर र दिवा खाना खाजाको कार्यक्रम आयोजन गरिएको छ । यो सबै कार्यक्रमहरूमा सहभागी हुन प्रवेश शुल्क २५०० तय गरिएको स्पाको व्यवस्थापन विभागले जनाएको छ ।
