काठमाडौं । पर्सा प्रहरीले बिलबीजक बिना ९४ लाख ९१ हजार बढीको कपडाहरू लोड गरिएका ट्रकहरू नियन्त्रणमा लिएको छ ।पर्सा जिल्ला प्रहरी कार्यालयबाट खटिगएको प्रहरी टोलीले बिलबीजक बिना ९४ लाख ९१ हजार ९सय ७४ रुपैँया बराबरको कपडा रहेका दुई ट्रक नियन्त्रणमा लिएको हो ।
ग १ ख ६७५५ नम्बर र ना ४ ख १९९३ नम्बरका मालवाहक ट्रकहरूमा बिलबीजक बिनाका कपडा शुक्रबार १४ गते बेलुका साढे ६ बजेतिर नियन्त्रणमा लिइएको पर्सा प्रहरीले विज्ञप्ति जारी गरी जनाएको छ । प्रहरीले दुवै ट्रकसहितका कपडा थप अनुसन्धानका लागि राजस्व अनुसन्धान कार्यालय पथलैया बुझाइएको आइतबार जनाएको छ ।
