काठमाडौं । रिफिल नहुने पकेट ग्यास लाइटर चालु आर्थिक वर्षको पहिलो महिना साउनमा गत वर्षको तुलनामा एक लाख बढी थान आयात गरिएको छ । ९६१३१००० एचएसकोड अन्तर्गत रिफिल नहुने पकेट ग्यास लाइटर १ करोड १९ लाख १० हजार थान आयात भएको भन्सार विभागको प्रतिवेदनमा उल्लेख भएको छ ।
यो प्रतिवेदन अनुसार आयात मूल्य प्रति लाइटर गत वर्षको तुलनामा अढाई रुपैयाँ जतिले बढी तय रहेको छ । त्यसैगरी आयात राजस्व पनि अढाई रुपैयाँले बढी रहेको छ ।चालु आर्थिक वर्षको साउन महिनामा कुल आयात गरिएको रिफिल नहुने पकेट ग्यास लाइटरको कुल आयात मूल्य ९ करोड २९लाख ६९ हजार छ भने आयात राजस्व ४ करोड ५४लाख ९४ हजार रहेको छ ।
आयात संख्या र मूल्यबीचको सामान्य हिसाबका आधारमा चालु आवको साउनमा रिफिल नहुने पकेट ग्यास लाइटरको प्रति थान आयात मूल्य ७ रुपैया ८० पैसा बढी हुन्छ भने आयात राजस्व प्रति थान ३ रुपैया ८१ पैसा बढी हुन्छ ।
उक्त एचएसकोड अन्तर्गत आयात गरिएका रिफिल नहुने पकेट ग्यास लाइटरको प्रति थान आयात मूल्य गत आवमा ५ रुपैया ३० पैसा र आयात राजस्व १ रुपैया ५८ पैसा बढी रहेको थियो । गत आवमा कुल लाइटर १ करोड १८ लाख ४ हजार ४सय ५ थान आयात हुँदा आयात मूल्य ६ करोड २५लाख ७४हजार र आयात राजस्व १करोड ८७ लाख ६७ हजार रहेको भन्सार विभागको प्रतिवेदनमा उल्लेख छ ।
