Apr 19 2025 | २०८२, वैशाख ७गते
काठमाडौँ । पर्सा प्रहरीले बिल बीजक भन्दा बढी लोड गरिएको ८५ लाख बढी औषधि तथा खुद्रा मालवस्तुसहितको ट्रक समातेर राजस्व अनुसन्धान कार्यालय पथलैयामा बुझाएको छ ।जिल्ला प्रहरी कार्यालय पर्साले वीरगञ्ज महानगरपालिका वडा न ८ घन्टाघर चोकबाट बिल बीजक भन्दा बढीको खुद्रा तथा औषधि लोड गरिएको ना ६ ख ५५१ नम्बरको मालवाहक ट्रक प्रहरीको एक टोलीले नियन्त्रणमा लिएको जनाएको हो ।
विशेष सूचनाको आधारमा कार्तिक २५ गते राति साढे नौ बजेको समयमा त्यो ट्रक नियन्त्रणमा लिइएको थियो । वीरगञ्जबाट कैलाली तर्फ लैजान लागिएको सो ट्रकमा अन्दाजी ८५ लाख ७० हजार २ सय ४० रुपैयाँ बराबरको मालवस्तु रहेको थियो । मालवस्तुसहितको सो ट्रक राजस्व अनुसन्धान कार्यालय पथलैयामा बुझाइएको जिल्ला प्रहरी कार्यालयका प्रवक्ता प्रहरी नायब उपरिक्षक दिपक भारतीले जनाएका हुन् ।
© 2025 All right reserved to Nayasadak.com | Site By : Sobij
