काठमाडौँ । जिल्ला प्रहरी कार्यालय पर्साले राजस्व अनुसन्धान कार्यालय पथलैयामा साढे ४८ लाख बढीको खुद्रा तथा कपडा लोड गरिएको ट्रकसमेत बुझाएको छ ।कार्तिक २७ गते राति करिब ११ बजेतिर वीरगञ्ज महानगरपालिका वडा न ८स्थित घन्टाघर चोकबाट ना ३ ख ७९१० नम्बरको मालवाहक ट्रकमा बिज बीजक भन्दा बढीको खुद्रा तथा कपडा लोड गरेको पाइएकोमा ट्रकसहितको मालवस्तु पर्सा प्रहरीले नियन्त्रणमा लिएर पथलैया कार्यालय बुझाएको प्रहरीले जनाएको हो ।
जिल्ला प्रहरी कार्यालय पर्साका प्रवक्ता तथा सूचना अधिकारी प्रहरी नायब उपरिक्षक दिपक भारतीले विशेष सूचनाका आधारमा नियन्त्रणमा लिइएको उक्त ट्रकमा अन्दाजी ४८ लाख ५६ हजार ४ सय ३१ रुपैया बराबरको खुद्रा मालसामान तथा कपडा रहेको छ ।
