Apr 04 2025 | २०८१, चैत २२गते
काठमाडौं । आइएमई पेले नेपाली क्रिकेटर आसिफ शेखलाई ब्रान्ड एम्बेसेडर घोषणा गरेको छ । नेपाली क्रिकेटलाई समर्थन गर्दै खेलकुद र डिजिटल भुक्तानीलाई जोड्ने यो एक उत्कृष्ट कदम हुने कम्पनीको भनाई छ । यो साझेदारीले डिजिटल फाइनान्सको सम्भाव्यतालाई नेपाली क्रिकेटको जोशसँग जोड्न महत्वपूर्ण कदम चालेको आइएमई पेका प्रमुख कार्यकारी अधिकृत प्रवीण रेग्मीले बताए ।
नेपालको पहिलो भुक्तानी सेवा प्रदायक आइएमई डिजिटल सोलुसन लिमिटेडद्वारा प्रवर्द्धित ’आइएमई पे’ मोबाइल वालेट एप अन्तर्गतको विद्युतीय भुक्तानी सेवा प्रदायक हो । नेपाल राष्ट्र बैंकको भुक्तानी तथा फर्छ्यौट विनियमावली २०७२ बमोजिम ’आइएमई डिजिटल’ दूरसञ्चार सञ्जालको माध्यमबाट मोबाइल वालेट सेवा प्रदान गर्ने पहिलो कम्पनी हो ।
© 2025 All right reserved to Nayasadak.com | Site By : Sobij
