Apr 03 2025 | २०८१, चैत २१गते
काठमाडौँ । जनकपुर बोल्ट्स पहिलो संस्करणको नेपाल प्रिमियर लिग (एनपिएल) को फाइनलमा प्रवेश गरेको छ । बिहीबार भएको दोस्रो क्वालिफायरमा कर्णाली याक्सलाई २ विकेटले हराउँदै जनकपुर फाइनलमा प्रवेश गरेको हो ।
अब उसले उपाधिका लागि सुदूरपश्चि रोयल्सको सामना गर्नेछ । उपाधि भिडन्त शनिबार हुने तालिका छ ।
क्वालिफायर–२ मा कर्णालीले दिएको १ सय १९ रनको लक्ष्य जनकपुरले १९ ओभरमा ८ विकेट गुमाएर पूरा गर्यो । उसका लागि जिमी नीशमले १७ बलमा पाँच छक्का र दुई चौकासहित सर्वाधिक ४५ रन बनाए ।
यस्तै, हर्ष ठाकरले १७, शेर मल्लले अविजित १६, मयन यादवले १४ र आकाश त्रिपाठीले १३ रन जोडे ।
बलिङतर्फ कर्णालीका लागि १६ वर्षीय विपिन शर्माले ४ ओभरमा १७ रन दिएर सर्वाधिक तीन विकेट लिए । यस्तै, कप्तान सोमपाल कामी, विलियम बोसिस्टो र जीशान मक्सूदले एकरएक विकेट हात पारे ।
© 2025 All right reserved to Nayasadak.com | Site By : Sobij
