Apr 03 2025 | २०८१, चैत २१गते
काठमाडौँ । नेपाल नागरिक उड्डयन प्राधिकरण (क्यान)ले युरोपेली हेलिकप्टर आयातमा प्रतिबन्ध लगाएको छ ।नेपाली आकाशमा युरोपेली हेलिकोप्टर असुरक्षित रहेको जनाउँदै प्राधिकरणले आयातमा प्रतिबन्ध लगाएको हो।प्राधिकरणले दुर्घटनामा परेका अधिकांश हेलिकोप्टर एयरबस भएको जनाएको छ ।माउन्टेन एयरले एलसी खोलेर चीनमा आइसकेको हेलिकोप्टर प्राधिकरणले रोकिसकेको छ।
प्राधिकरणका सूचना अधिकारी ज्ञानेन्द्र भूलले जनाए अनुसार नेपालको भूगोलका लागि युरोपेली हेलिकोप्टर उपयुक्त देखिँदैन। त्यही भएर हामीले आयातमा प्रतिबन्ध लगाइएको छ । एयरबसका हेलिकोप्टर १६ सय हर्सपावरका हुन्। नेपालमा उडान गर्ने अधिकांश हेलिकोप्टर एयरबसका छन्। अब तीन हजार हर्सपावर भएका अरु कम्पनीका हेलिकोप्टर आयात गर्न दिइने छ ।
युरोपमा रहेका एमआरओमा समेत प्रतिबन्ध लगाइएको जनाइएको छ ।प्राधिकरणले केही दिनभित्रै एटीआर आयातमा पनि प्रतिबन्ध लगाउने तयारी गरेको छ। अहिले बुद्ध र यती एयरलाइन्सले एटीआरमार्फत उडान गर्दै आएका छन्।
क्यान शीर्ष स्रोत अनुसार यूरोपियन युनियन(इयू)ले सुरक्षाका सबै सूचकहरुमा सुधार गर्दा पनि कालोसूचीबाट नहटाएपछि क्यानले प्रतिवादस्वरुप युरोपेली हेलिकोप्टर आयातमा प्रतिबन्ध लगाएको हो।प्राधिकरणको यो निर्णयले सबैभन्दा बढी फाइदा अमेरिकी कम्पनी बेललाई हुने जनाइएको छ । अमेरिकी कम्पनी बेल एयरक्राफ्ट कर्पोरेसनका हेलिकोप्टर ३ हजार हर्सपावर क्षमताका छन्।
हाल यतीले एटीआर ७२–५०० सिरिजको ७ वटा तथा बुद्धले एटीआर ७२–५०० सिरिजको १६ वटा र एटीआर ४२–३२० सिरिजको दुईवटा जहाजमार्फत उडान गर्दै आएका छन्।नेपालले सन् २०१७ मा सुरक्षा दर ५५ बाट ६७.७६ प्रतिशत पु¥याएको थियो।
तर पनि इयूले नेपाललाई सुरक्षा सूचीबाट नहटाएकोले हेलिकप्टर आयातमा प्रतिबन्ध लगाइएको स्रोतको भनाइ छ । सूचीबाट हटाउन लगातार गरेको प्रयास असफल भएको छ। इयूले प्राधिकरणलाई विभाजन गर्नुपर्ने शर्त राखेपछि केही समय अगाडि सरकारले संसद्मा विधेयक समेत दर्ता गरिसकेको छ।
© 2025 All right reserved to Nayasadak.com | Site By : Sobij
